അടിമാലി:  ഒരു കിലോ കഞ്ചാവുമായി യുവാവിനെ നാര്‍ക്കോട്ടിക് സംഘം പിടികൂടി.
വട്ടവട കോവിലൂര്‍ സ്വദേശി സെല്‍വം (49) നെയാണ് അടിമാലി നാര്‍ക്കോട്ടിക് എന്‍ഫോഴ്‌സ്‌മെന്റ് സ്‌ക്വാഡ് സിഐ കെപി ജിസന്റെ നേത്യത്വത്തിലൂള്ള സംഘം പിടികൂടിയത്.  
കോവിലൂര്‍ ടൗണില്‍ വാഹനപരിശോധനയ്ക്കിടെയാണ് ഇയാള്‍ പിടിയിലായത്.
തമിഴ്‌നാട്ടിലെ ക്ലാവരയില്‍ നിന്നും വാങ്ങി കേരളത്തില്‍ വരുന്ന സഞ്ചാരികള്‍ക്ക് ചെറിയ പൊതികളായി വില്‍പ്പന നടത്തിവന്നിരുന്ന ആളായിരുന്നു സെല്‍വം എന്ന് ഉദ്യോഗസ്ഥര്‍ പറഞ്ഞു. ഇടുക്കി കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.