തൊടുപുഴ: കുമാരമംഗലം വളളിയാനിക്കാട്ട് ഭഗവതി ക്ഷേത്രത്തില്‍ മോഷണം. മൂന്ന് കാണിക്കവഞ്ചികള്‍ ഇരുമ്പുപാര ഉപയോഗിച്ച് കുത്തിതുറന്നാണ്  മോഷണം നടത്തിയിരിക്കുന്നത്. രണ്ടാഴ്ച മുന്‍പു കാണിക്കവഞ്ചികളിലുണ്ടായിരുന്ന തുക ദേവസ്വം അധികൃതര്‍ എടുത്തിരുന്നു. അതിനുശേഷമുള്ള തുകയാണ് മോഷണം പോയത്.
മോഷണം നടത്താനുപയോഗിച്ച ഇരുമ്പുപാര മുറിക്കുള്ളില്‍ തന്നെ ഉപേക്ഷിച്ച നിലയില്‍ കണ്ടെത്തി.  വിരലടയാള വിദഗ്ധര്‍ സഥലത്തെത്തി പരിശോധന നടത്തി. പ്രതിക്കായി അന്വേഷണം ഊര്‍ജ്ജിതമാക്കിയതായി പൊലിസ് പറഞ്ഞു. കഴിഞ്ഞ രണ്ടു വര്‍ഷത്തിനിടെ മൂന്നാം തവണയാണ് ഈ ക്ഷേത്രത്തില്‍ മോഷണം നടക്കുന്നത്.