മണ്ണാര്‍ക്കാട്: അട്ടപ്പാടി വനമേഖലയില്‍ വീണ്ടും കഞ്ചാവ് വേട്ട. ഗോണ്ടിയര്‍ഖണ്ഡ് വനത്തിനുള്ളില്‍ വെച്ച പിടിപ്പിച്ച 165 ചെടികളാണ് ഇന്നലെ മണ്ണാര്‍ക്കാട് എക്‌സൈസ് സര്‍ക്കിള്‍ ഓഫിസ് സംഘം നശിപ്പിച്ചത്. ഒരു മാസത്തിനു മുന്‍പ് ഇതേ സ്ഥലത്തു നിന്നും 265 കഞ്ചാവ് ചെടികള്‍ നശിപ്പിച്ചിരുന്നു.
മണ്ണാര്‍ക്കാട് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ കെ. ജയപാലന്‍, പ്രിവെന്റ് ഓഫിസര്‍ ബഷീര്‍ കുട്ടി, മുഹമ്മദ് ഷെഫീഖ്, സിവില്‍ എക്‌സൈസ് ഓഫിസര്‍ സതീശ് , അബ്ദുള്‍ നവാസ്, പ്രേംകുമാര്‍, ചന്ദ്രന്‍, ലൂക്കോസ് എന്നിവരായിരുന്നു സംഘത്തില്‍ ഉണ്ടായിരുന്നത്.