കോഴിക്കോട്: എ.ഐ.വൈ.എഫ് നേതൃത്വത്തിലുള്ള പി.കെ.വി സ്മൃതി വന പദ്ധതിക്ക് കോഴിക്കോട് മെഡിക്കല്‍ കോളജില്‍ തുടക്കമായി. മെഡിക്കല്‍ കോളജ് ചെസ്റ്റ് ഹോസ്പിറ്റല്‍ പരിസരത്ത് പ്ലാവിന്‍തൈ നട്ട് ഭക്ഷ്യ വകുപ്പ് മന്ത്രി പി. തിലോത്തമന്‍ പദ്ധതി ഉദ്ഘാടനം ചെയ്തു. തുടര്‍ന്ന് പരിപാടിയില്‍ പങ്കെടുത്തവര്‍ ചേര്‍ന്ന് അന്‍പതോളം തൈകള്‍ നട്ടു.
എ.ഐ.വൈ.എഫ് ആഭിമുഖ്യത്തിലുള്ള പരിസ്ഥിതി വാരാചരണത്തിന്റെ ഭാഗമായിട്ടാണ് സ്മൃതി വന പദ്ധതി നടപ്പാക്കുന്നത്. മെഡിക്കല്‍ കോളജില്‍ അരയേക്കര്‍ സ്ഥലത്താണ് വിവിധ ഫല വൃക്ഷത്തൈകള്‍ നടുന്നത്.
ജില്ലാ സെക്രട്ടറി പി. ഗവാസ് അധ്യക്ഷനായി. സി.പി.ഐ ജില്ലാ സെക്രട്ടറി ടി.വി ബാലന്‍, സംസ്ഥാന കൗണ്‍സില്‍ അംഗം എം. നാരായണന്‍, മെഡിക്കല്‍ കോളജ് സൂപ്രണ്ട് ഡോ. പി.കെ സജിത്ത് കുമാര്‍, ജില്ലാ പഞ്ചായത്ത് വൈസ് പ്രസിഡന്റ് റീന മുണ്ടേങ്ങാട്ട്, സി.പി.ഐ മണ്ഡലം സെക്രട്ടറി പി.വി മാധവന്‍ സംബന്ധിച്ചു.