വാണിമേല്‍: അന്താരാഷ്ട്ര ഡോക്യുമെന്ററി ഷോര്‍ട്ട് ഫിലിം ഫെസ്റ്റിവലില്‍ കേന്ദ്ര സര്‍ക്കാര്‍ പ്രദര്‍ശനം വിലക്കിയ ഡോക്യുമെന്ററികളുടെ പ്രദര്‍ശനം നടത്തി വിദ്യാര്‍ഥികളുടെ പ്രതിഷേധം.
നാദാപുരം ഗവ കോളജ് മാഗസിന്‍ സമിതിയുടെ ആഭിമുഖ്യത്തില്‍ സംഘടിപ്പിച്ച പ്രതിഷേധ പ്രദര്‍ശനത്തില്‍ രോഹിത് വെമുല വിഷയമായുള്ള അണ്‍ ബിയറബിള്‍ ബിയിങ് ഓഫ് ഹാപ്പിനെസ്സ്, കാശ്മീര്‍ ഇതിവൃത്തമായുള്ള ഇന്‍ ദി ഷെയ്ഡ് ഓഫ് ഫാളെന്‍ ചിനാര്‍ എന്നി ഡൊക്യുമെന്ററികള്‍ പ്രദര്‍ശനം നടത്തി.
മുഹമ്മദ് ശാഹിദ് കെ.പി, വൈഷ്ണ രാജീവ് സംസാരിച്ചു. മുഹമ്മദ് വെള്ളോളി, മുഹമ്മദ് റിഷാദ് എന്നിവര്‍ നേതൃത്വം നല്‍കി.