മലപ്പുറം: സമസ്ത കേരള ജംഇയ്യത്തുല്‍ മുദരിസീന്‍ സംസ്ഥാന സംഗമം മൂന്നിന് വളാഞ്ചേരിക്കടുത്ത അത്തിപ്പറ്റ ഫത്ഹുല്‍ ഫത്താഹില്‍ നടക്കും. 2014 ല്‍ രൂപീകൃതമായ സംസ്ഥാന കമ്മിറ്റിയുടെ കീഴില്‍ കേരളത്തിലെ മുഴുവന്‍ ജില്ലകളിലും മുദരിസീന്‍ ജില്ലാ കമ്മിറ്റികള്‍ നിലവില്‍ വരികയും പ്രവര്‍ത്തനങ്ങള്‍ സജീവമാകുകയും ചെയ്തതിനുശേഷം നടക്കുന്ന പ്രഥമ സമ്മേളനത്തില്‍ ആയിരക്കണക്കിനു മുദരിസുമാര്‍ പങ്കെടുക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. രാവിലെ 8.30ന് സമസ്ത ട്രഷറര്‍ സി.കെ.എം സ്വാദിഖ് മുസ്‌ലിയാര്‍ പതാക ഉയര്‍ത്തും. 9ന് ആരംഭിക്കുന്ന ഒന്നാം സെഷനില്‍ സമസ്ത കേന്ദ്ര മുശാവറ അംഗം എം.കെ കുഞ്ഞഹമ്മദ് മുസ്‌ലിയാര്‍ നെല്ലായ പ്രാര്‍ഥന നിര്‍വഹിക്കും. പാണക്കാട് സയ്യിദ് ഹൈദരലി ശിഹാബ് തങ്ങള്‍ സംഗമം ഉദ്ഘാടനം ചെയ്യും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അധ്യക്ഷനാകും. സയ്യിദ് മുഹമ്മദ് കോയ തങ്ങള്‍ ജമലുല്ലൈലി സുവനീര്‍ പ്രകാശനം ചെയ്യും.
'അധ്യാപനത്തിന്റെ രീതിശാസ്ത്രം' നന്തി ദാറുസ്സലാം പ്രിന്‍സിപ്പല്‍ മൂസക്കുട്ടി ഹസ്രത്തും 'വിജ്ഞാനത്തിന്റെ സാക്ഷാല്‍ക്കാരം' ഡോ. സാലിം ഫൈസി കൊളത്തൂരൂം അവതരിപ്പിക്കും. വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസ്സലാം മുസ്‌ലിയാര്‍, കോട്ടുമല മൊയ്തീന്‍ കുട്ടി മുസ്‌ലിയാര്‍, കൊയ്യോട് ഉമര്‍ മുസ്‌ലിയാര്‍, ഡോ. ബഹാഉദ്ദീന്‍ മുഹമ്മദ് നദ്‌വി, സയ്യിദ് കെ.പി.സി തങ്ങള്‍ വല്ലപ്പുഴ, സയ്യിദ് ആബിദ് ഹുസൈന്‍ തങ്ങള്‍ എം.എല്‍.എ, എം.എം മുഹ്‌യുദ്ദീന്‍ മുസ്‌ലിയാര്‍, എം.എ ഖാസിം മുസ്‌ലിയാര്‍ കാസര്‍കോട്, കെ. ഹൈദര്‍ ഫൈസി പനങ്ങാങ്ങര, ആദൃശ്ശേരി ഹംസക്കുട്ടി മുസ്‌ലിയാര്‍, ഒ.ടി മൂസ മുസ്‌ലിയാര്‍, ഉമര്‍ ഫൈസി മുക്കം സംസാരിക്കും. ദര്‍സ് പൊതുപരീക്ഷയിലെ റാങ്ക് ജേതാക്കള്‍ക്കുള്ള അവാര്‍ഡ് ദാനം പി.കെ കുഞ്ഞാലിക്കുട്ടി എം.പി നിര്‍വഹിക്കും.
രണ്ടാം സെഷന്‍ സമസ്ത ജന. സെക്രട്ടറി ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. വിദ്യാഭ്യാസ ബോര്‍ഡ് ജന. സെക്രട്ടറി എം.ടി അബ്ദുല്ല മുസ്‌ലിയാര്‍ അധ്യക്ഷനാവും. ഫിഖ്ഹും ആധുനിക സമസ്യകളും എന്ന വിഷയം ഫത്ഹുല്‍ ഫത്താഹ് പ്രിന്‍സിപ്പല്‍ യൂസുഫ് ബാഖവി അവതരിപ്പിക്കും. ത്വാഖാ അഹമ്മദ് മൗലവി, എ. മരക്കാര്‍ ഫൈസി, ഹസന്‍ ഫൈസി എറണാകുളം, ചെറുവാളൂര്‍ ഹൈദ്രോസ് മുസ്‌ലിയാര്‍, കെ.ടി ഹംസ മുസ്‌ലിയാര്‍ വയനാട്, യു.എം അബ്ദുറഹ്മാന്‍ മുസ്‌ലിയാര്‍, വാക്കോട് മൊയ്തീന്‍കുട്ടി ഫൈസി സംസാരിക്കും. അത്തദ്‌രീസു ലില്‍ വിറാസ എന്ന പ്രമേയത്തെ ആസ്പദമാക്കി ജംഇയ്യത്തുല്‍ മുദരിസീന്‍ സംസ്ഥാന പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ സമാപന പ്രഭാഷണം നടത്തും. അത്തിപ്പറ്റ മൊയ്തീന്‍ കുട്ടി മുസ്‌ലിയാര്‍ സമാപന പ്രാര്‍ഥന നടത്തും. വാര്‍ത്താസമ്മേളനത്തില്‍ ജംഇയ്യത്തുല്‍ മുദരിസീന്‍ സംസ്ഥാന ജന. സെക്രട്ടറി എ.വി അബ്ദുറഹ്മാന്‍ മുസ്‌ലിയാര്‍, അസ്ഗറലി ഫൈസി പട്ടിക്കാട്, സി.കെ അബ്ദുറഹ്മാന്‍ ഫൈസി അരിപ്ര, അബ്ദുല്‍ ഖാദിര്‍ ഫൈസി കുന്നുംപുറം, സി.കെ മൊയ്തീന്‍ കുട്ടി ഫൈസി കോണോംപാറ പങ്കെടുത്തു.