ബാഴ്‌സലോണ: പരുക്കേറ്റ ബാഴ്‌സലോണന്‍ സൂപ്പര്‍ താരം ലയണല്‍ മെസ്സി പരിശീലനത്തിനിറങ്ങി. ടീമിനൊപ്പമാണ് താരം ഗ്രൗണ്ടിലെത്തിയതെങ്കിലും മെസ്സി ഒറ്റക്കാണ് പരിശീലനം നടത്തിയത്. കയ്യിലെ പ്ലാസ്റ്റര്‍ മാറ്റാതെയായിരുന്നു പരിശീലനം.
ലാ ലിഗയില്‍ സെവിയ്യക്കെതിരേ നടന്ന മത്സരത്തിനിടെയാണ് താരത്തിന്റെ കൈക്ക് ക്ഷതമേറ്റത്. സംഭവത്തെ തുടര്‍ന്ന് വിശ്രമത്തിലായിരുന്ന മെസ്സിക്ക് എല്‍ക്ലാസിക്കോ നഷ്ടമായിരുന്നു. ലാലിഗയില്‍ ഞായറാഴ്ച നടക്കുന്ന മത്സരത്തില്‍ മെസ്സി ആദ്യ ഇലവനില്‍ തിരിച്ചെത്തിയേക്കും.
ഏഴിന് ചാംപ്യന്‍സ് ലീഗില്‍ ഇന്റര്‍മിലാനെ നേരിടുന്ന ബാഴ്‌സ സംഘത്തില്‍ മെസ്സി ഉണ്ടാകുമെന്ന് പ്രതീക്ഷിക്കാമെന്ന് ബാഴ്‌സ മെഡിക്കല്‍ ബുള്ളറ്റിന്‍ അറിയിച്ചു.