മലപ്പുറം: മാതൃകാ മുദരിസും സമസ്ത മുശാവറ അംഗവുമായിരുന്ന പൊന്‍മള ഫരീദ് മുസ്‌ലിയാരുടെ 10ാം ആണ്ടുനേര്‍ച്ചയും അനുസ്മരണ യോഗവും എട്ടിന് പൊന്‍മളയില്‍ നടക്കും.
രാവിലെ 9.30ന് ഖത്മുല്‍ ഖുര്‍ആനും 10ന് കൂട്ടസിയാറത്തും 11ന് മൗലിദും അനുസ്മരണ യോഗവും നടക്കും. കോഴിക്കോട് ഖാസി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി സിയാറത്തിന് നേതൃത്വം നല്‍കും.
തുടര്‍ന്ന് നടക്കുന്ന പരിപാടിയില്‍ സമസ്ത ജന. സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍, സമസ്ത വിദ്യാഭ്യാസ ബോര്‍ഡ് സെക്രട്ടറി എം.ടി അബ്ദുല്ല മുസ്‌ലിയാര്‍, പാണക്കാട് സയ്യിദ് അബ്ബാസലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, മുശാവറ അംഗം സയ്യിദ് കെ.പി.സി തങ്ങള്‍ വല്ലപ്പുഴ, കോഴിക്കോട് ഖാസി സയ്യിദ് അബ്ദുന്നാസര്‍ ഹയ്യ് ശിഹാബ് തങ്ങള്‍, കൊളശ്ശേരി മുല്ലക്കോയ തങ്ങള്‍, വാവാട് കുഞ്ഞിക്കോയ മുസ്‌ലിയാര്‍, ആദൃശ്ശേരി ഹംസകുട്ടി മുസ്‌ലിയാര്‍, ആബിദ് ഹുസൈന്‍ തങ്ങള്‍ എം.എല്‍.എ, സയ്യിദ് ഫഖ്‌റുദ്ദീന്‍ തങ്ങള്‍, വെള്ളൂര്‍ മാനു തങ്ങള്‍ തുടങ്ങിയവര്‍ സംബന്ധിക്കും.
അബ്ദുസ്സമദ് പൂക്കോട്ടൂര്‍ മുഖ്യപ്രഭാഷണം നടത്തും. ഉച്ചക്ക് പൂര്‍വ വിദ്യാര്‍ഥി സംഗമവും നടക്കും.