തിരുവനന്തപുരം: തിരുവനന്തപുരം ആസ്ഥാനമാക്കി പ്രവര്‍ത്തിക്കുന്ന സത്യജിത് റേ ഫിലിം സൊസൈറ്റിയുടെ പ്രഥമ സത്യജിത് റേ ചലച്ചിത്ര പുരസ്‌കാരം അടൂര്‍ ഗോപാലകൃഷ്ണന്. 10001 രൂപയും പ്രശസ്തി പത്രവും ശില്‍പവുമടങ്ങുന്നതാണ് പുരസ്‌കാരം. ജൂലൈ 9ന് വി.ജെ.ടി ഹാളില്‍ നടക്കുന്ന ചടങ്ങില്‍ സ്പീക്കര്‍ പി. ശ്രീരാമകൃഷ്ണന്‍ അവാര്‍ഡ് കൈമാറും.  സത്യജിത് റേ ചില്‍ഡ്രന്‍സ് ഫിലിം ക്ലബിന്റെ ഉദ്ഘാടനവും ചലച്ചിത്ര രംഗത്ത് വ്യക്തിമുദ്ര പതിപ്പിച്ച പ്രതിഭകളെ ആദരിക്കലും പ്രതിപക്ഷ നേതാവ് രമേശ് ചെന്നിത്തല നിര്‍വഹിക്കും.  തിരുവനന്തപുരം പ്രസ് ക്ലബില്‍ നടത്തിയ പത്രസമ്മേളനത്തില്‍ സത്യജിത് റേ ഫിലിം സൊസൈറ്റി രക്ഷാധികാരി ബാലുകിരിയത്ത്, ശ്രീവത്സന്‍ നമ്പൂതിരി, സജിന്‍ ലാല്‍, രാമചന്ദ്രന്‍, അനിതാ പ്രസന്നന്‍, ജയശ്രീ, ഡോ. രേഖ റാണി പങ്കെടുത്തു.