കായക്കൊടി: മൈനസ് ടു മുതല്‍ പ്ലസ്ടു വരെ ഒരു കുടക്കീഴിലാക്കാന്‍ നിര്‍ബന്ധിക്കുന്നത് ഹയര്‍ സെക്കന്‍ഡറി മേഖലയെ തകര്‍ക്കാനുള്ള ആസൂത്രിത നീക്കത്തിന്റെ ഭാഗമാണെന്ന് കെ.എച്ച്.എസ്.ടി.യു പ്രിന്‍സിപ്പല്‍ ഫോറം സംസ്ഥാന ചെയര്‍മാന്‍ കെ.കെ അബൂബക്കര്‍ പറഞ്ഞു.
ഹയര്‍ സെക്കന്‍ഡറി സ്‌പെഷല്‍ റൂളിന് വിരുദ്ധമായി തസ്തിക നിര്‍ണയത്തിനുള്ള ധനവകുപ്പിന്റെ നിര്‍ദേശങ്ങള്‍ നടപ്പിലാക്കിയാല്‍ പുതുതലമുറക്ക് ഹയര്‍ സെക്കന്‍ഡറിയില്‍ തൊഴിലവസരങ്ങള്‍ ഇല്ലാതാകുമെന്നും അദ്ദേഹം പറഞ്ഞു.
കേരള ഹയര്‍ സെക്കന്‍ഡറി സ്‌കൂള്‍ ടീച്ചേഴ്‌സ് യൂനിയന്‍ അംഗത്വ പ്രചരണത്തിന് തുടക്കം കുറിച്ച് കായക്കൊടിയില്‍ സംസാരിക്കുകയായിരുന്നു അദ്ദേഹം. ഉപജില്ല സെക്രട്ടറി ടി.കെ മുഹമ്മദ് സബാദ് അധ്യക്ഷനായി.