വെള്ളറട: ജെസയ്യാ മെമ്മോറിയല്‍ സി.എസ്.ഐ സഭയുടെ 16-ാമത് വാര്‍ഷികവും ഗോപുര പ്രതിഷ്ഠയും ദക്ഷിണ കേരളാ മഹായിടവര ബിഷപ്പ് റൈറ്റ് റവ. ധര്‍മ്മരാജ് റസ്സലാം നിര്‍വഹിച്ചു.
ഡിസ്ട്രിക് ചെയര്‍മാന്‍ റവ. ഇസ്രയേല്‍ തോമസ് അധ്യക്ഷത വഹിച്ച യോഗത്തില്‍ ദക്ഷിണ കേരളാ മഹായിടവക സെക്രട്ടറി ഡി. ലോറന്‍സ് വാട്ടര്‍ ഷെഡ് വിതരണ ഉദ്ഘാടനം നിര്‍വഹിച്ചു. എ.ടി ജോര്‍ജ് എം.എല്‍.എ സാധുവസ്ത്ര വിതരണം  ഉദ്ഘാടനം ചെയ്തു.
ബിഷപ്പ് സെക്രട്ടറി റവ. ഡി.എല്‍ പോള്‍സണ്‍ ഉന്നത വിജയികളെ ആദരിച്ചു. ചാരിറ്റബിള്‍ സൊസൈറ്റി സെക്രട്ടറി പെരുങ്കടവിള റസിലയ്യന്‍
ഭക്ഷ്യധാന്യ കിറ്റ് വിതരണം ചെയ്തു. വൈസ് ചെയര്‍മാന്‍ റവ. ആര്‍.വിജയദാസ് ഡിസ്ട്രിക് കൗണ്‍സില്‍ സെക്രട്ടറി സുന്ദരരാജ്, പെരുങ്കടവിള ബ്ലോക്ക് പഞ്ചായത്ത് പ്രസിഡന്റ് സുജാത കുമാരി, ജില്ലാ പഞ്ചായത്ത് അംഗം കെ.വി.ചിത്ര, പഞ്ചായത്ത് അംഗം സി.സുഗന്തി, മുന്‍ ജില്ലാ പഞ്ചായത്ത് അംഗം ജെ.ഷൈന്‍കുമാര്‍, ഇവാഞ്ചലിസ്റ്റ് കെ.വൈ ദാസയ്യന്‍ എന്നിവര്‍ സംസാരിച്ചു.