കാട്ടാക്കട: വിദ്യാര്‍ഥികള്‍ക്ക് സമൂഹത്തോടും സഹപാഠികളോടും സഹാനുഭൂതിയും സാമൂഹ്യ പ്രതിബദ്ധതയും  ഉണ്ടാക്കുന്നതിനായി സാമൂഹ്യ സുരക്ഷാ മിഷന്‍ നടപ്പാക്കുന്ന സ്‌നേഹപൂര്‍വ്വം സഹപാഠിയ്ക്ക്  എന്ന ക്യാംപയിന്റെ ജില്ലാതല ഉദ്ഘാടനം നടത്തി.
വെള്ളനാട് ജി.കാര്‍ത്തികേയന്‍ മെമ്മോറിയല്‍ മോഡല്‍ ഹയര്‍ സെക്കന്ററി സ്‌ക്കൂളില്‍ സംഘടിപ്പിച്ച പ്രത്യേക അസംബ്ലിയില്‍ കെ.എസ്.ശബരീനാഥന്‍ എം.എല്‍എ.  ഉദ്ഘാടനം  നിര്‍വ്വഹിച്ചു. ചലച്ചിത്ര താരം കിഷോര്‍ ചടങ്ങില്‍ മുഖ്യാത്ഥിയായി. വെള്ളനാട് സ്‌ക്കൂളിലെ പത്താം ക്ലാസ് വിദ്യാര്‍ഥി  ജിബിന്റെ വീട്ടില്‍ വൈദ്യുതീകരണ പ്രവര്‍ത്തനങ്ങള്‍ക്കായി സ്‌കൂളിലെ കുട്ടികളുടെ സഹായം ചടങ്ങില്‍ വാഗ്ദാനം ചെയ്തു. ജില്ലാ പഞ്ചായത്തംഗം മായാദേവി, ബ്ലോക്ക് പഞ്ചായത്ത് പ്രസിഡന്റ് അജിതകുമാരി, ഗ്രാമ പഞ്ചായത്ത് പ്രസിഡന്റ് വെള്ളനാട് സശി, ഗ്രാമ പഞ്ചായത്തംഗം വെള്ളനാട് ശ്രീകണ്ഠന്‍ , പി.റ്റി.എ.പ്രസിഡന്റ് റ്റി.ഒ.ശ്രീകുമാര്‍, തുടങ്ങിയവര്‍ ചടങ്ങില്‍ പങ്കെടുത്തു. സമൂഹത്തില്‍ വേദനയും ദുരിതവും അനുഭവിക്കുന്നവര്‍ക്ക് സ്‌നേഹവും സാന്ത്വനവും പകരുന്നതിനും വിദ്യാലയ കൂട്ടായ്മകളിലൂടെ കുട്ടികളെ പ്രേരിപ്പിക്കുന്നതിനാണ് സാമൂഹ്യ നീതി വകുപ്പ്  കേരളാ സാമൂഹ്യ സുരക്ഷാ മിഷന്റെ നേതൃത്വത്തില്‍ സ്‌നേഹപൂര്‍വ്വം സഹപാഠിയ്ക്ക് എന്ന ക്യാംപയിന്‍  നടത്തുന്നത്.4