പേരാമ്പ്ര:വിശ്രമം വിനോദം പദ്ധതി ആവിഷ്‌ക്കരണം എന്നിവക്കായി ചക്കിട്ടപാറ ഗ്രാമ പഞ്ചായത്ത് വയോജനങ്ങള്‍ക്കു വേണ്ടി പകല്‍ വീടൊരുക്കി. 2016-17 വാര്‍ഷിക പദ്ധതിയില്‍ 6.80 ലക്ഷം രൂപ വകയിരുത്തി ഗ്രാമപഞ്ചായത്ത് സ്റ്റേഡിയം കോമ്പൗണ്ടിലാണ് പകല്‍ വീട് സ്ഥാപിച്ചിരിക്കുന്നത്. ്ര
പസിഡന്റ് ഷീജാ ശശി ഉദ്ഘാടനം നിര്‍വ്വഹിച്ചു. ചക്കിട്ടപാറ സീനിയര്‍ സിറ്റിസണ്‍ ഫോറം ഭാരവാഹികള്‍ക്കു താക്കോലും കൈമാറി. വൈസ് പ്രസിഡന്റ് കെ.സുനില്‍ അദ്ധ്യക്ഷനായി.
പ്രേമന്‍ നടുക്കണ്ടി, പൂതേരി ദാമോദരന്‍, ലൈസ ജോര്‍ജ്ജ്, ജോസഫ് പള്ളൂരുത്തി, പ്രകാശ് മുള്ളന്‍ കുഴി, ജോസഫ് അമ്പാട്ട്, വി.വി കുഞ്ഞിക്കണ്ണന്‍, ഷീന നാരായണന്‍, ദേവി വാഴയില്‍, രാജന്‍ വര്‍ക്കി പ്രസംഗിച്ചു. സീനിയര്‍ സിറ്റിസണ്‍ ഫോറത്തിന്റെ പഞ്ചായത്തുതല ഓഫിസായി പ്രവര്‍ത്തിക്കുന്ന പകല്‍വീട് രാവിലെ 10 മുതല്‍ വൈകീട്ട് അഞ്ചു വരെ വയോജനങ്ങള്‍ക്കായി തുറന്നിടും.
വായനക്കായി ഗ്രന്ഥങ്ങളും പത്രങ്ങളും നല്‍കും. ആശ്രയ പദ്ധതിയില്‍ ഭക്ഷണ കിറ്റും ലഭ്യമാക്കും.