ന്യൂഡല്‍ഹി: ചലച്ചിത്ര താരം അമിതാഭ് ബച്ചന് ദാദാസാഹെബ് ഫാല്‍കെ പുരസ്‌കാരം. ഇന്ത്യന്‍ ചലച്ചിത്ര മേഖലക്ക് നല്‍കിയ ആജീവനാന്ത സംഭാവനകള്‍ പരിഗണിച്ച് നല്‍കുന്ന ഇന്ത്യയിലെ ചലച്ചിത്ര രംഗത്തെ മികച്ചപുരസ്‌കാരത്തിന് ബച്ചനെ തെരഞ്ഞെടുത്തത് ഏകകണ്ഠമായാണെന്ന് വാര്‍ത്താ വിതരണ പ്രക്ഷേപണ മന്ത്രി പ്രകാശ് ജാവദേകര്‍ അറിയിച്ചു.

1969ല്‍ ഖ്വാജ അഹമ്മദ് അബ്ബാസ് സംവിധാനം ചെയ്ത 'സാത് ഹിന്ദുസ്ഥാനി'യിലൂടെയാണ് അമിതാഭ് ബച്ചന്‍ അഭിനയരംഗത്തെത്തിയത്. അറുപത് വര്‍ഷത്തിനിടെ 190ലേറെ സിനിമകളില്‍ വേഷമിട്ടു. 76 കാരനായ ബച്ചന് നടനുള്ള ദേശീയ പുരസ്‌കാരം നാലു തവണ ലഭിച്ചിട്ടുണ്ട്.