മഞ്ചേരി: നഗരസഭാ കാര്യാലയത്തിനു സമീപം കഴിഞ്ഞ 12 ദിവസമായി ഭരണസമിതിക്കെതിരെഎ ല്‍.ഡി.എഫ് മഞ്ചേരി മുനിസിപ്പല്‍ കമ്മറ്റിയുടെ നേതൃത്വത്തില്‍ നടത്തിവന്ന അനിശ്ചിതകാല സത്യാഗ്രഹ സമരം അവസാനിപ്പിച്ചു.
പതിമൂന്നാം പഞ്ചവത്സര പദ്ധതിനടപ്പാക്കുന്നതില്‍ ഭരണസമിതി സര്‍ക്കാര്‍ മാനദണ്ഡങ്ങള്‍ പാലിക്കാത്തതിലും നഗരസഭയില്‍ തുടരുന്ന അഴിമിതി, ഗുണ്ടായിസം തുടങ്ങിയവക്കെതിരെയുമായിരുന്നു സമരം. ഇതുസംബന്ധിച്ച് ജില്ലാ കലക്ടര്‍ക്കും, പ്ലാനിങ് ഓഫിസര്‍ക്കും പരാതി നല്‍കിയിരുന്നുവെങ്കിലും അന്വേഷണം നടത്താതെ പദ്ധതിക്കു അംഗീകാരം നല്‍കുകയായിരുന്നു. തുടര്‍ന്ന് തദ്ദേശ വകുപ്പ് മന്ത്രിക്കും സംസ്ഥാന പ്ലാനിങ്് ബോര്‍ഡിനും പരാതി നല്‍കയിരുന്നു.
ഇതിന്റെ അടിസ്ഥാനത്തില്‍ അന്വേഷണം നടത്താന്‍ തദ്ദേശ വകുപ്പ് തയാറാവുകയും ചെയ്തു. ഇതുസംബന്ധിച്ചുളള അന്വേഷണം നടക്കുന്നതിനാലാണ് സമരം അവസാനിപ്പിക്കാന്‍ തീരുമാനിച്ചതെന്ന് എല്‍.ഡി.എഫ് മുനിസിപ്പല്‍ കമ്മിറ്റി അറിയിച്ചു.