കണ്ണൂര്‍: കണ്ണൂരില്‍ അറസ്റ്റിലായ അന്തര്‍സംസ്ഥാന മോഷ്്ടാവ് കോയമ്പത്തൂരില്‍ വില്‍പന നടത്തിയ ബൊലേറോ ജീപ്പുകള്‍ പൊലിസ് കസ്റ്റഡിയിലെടുത്തു. കാസര്‍കോട് പള്ളിക്കര ബില്‍ നഗറിലെ ലാലാ കബീറെന്ന അഹമ്ദ് കബീറാണ് കഴിഞ്ഞ ദിവസം അറസ്റ്റിലായത്. കോഴിക്കോടു നിന്നും വാഹനം മോഷ്ടിച്ചു കൊണ്ടുവരുന്നതിനിടെയാണ് ഇയാള്‍ പിടിയിലായത്. കര്‍ണാടകത്തിലും കേരളത്തിലുമായി ഇയാള്‍ നിരവധി വാഹനമോഷണകേസിലെ പ്രതിയാണ്.
പ്രതിയെ കൂടുതല്‍ ചോദ്യം ചെയ്യുന്നതിനായി കണ്ണൂര്‍ ഡി.വൈ. എസ്. പി പി. സദാനന്ദന്റെ നേതൃത്വത്തിലുള്ള സംഘം കസ്റ്റഡിയിലെടുത്തിരുന്നുഞ്ഞ തുടര്‍ന്ന് മോഷണം നടത്തിയ വാഹനം വില്‍ക്കാന്‍ സഹായിച്ച പിലക്കോട്ടെ മനോജിനെയും അറസ്റ്റു ചെയ്തിരുന്നു.