കോഴിക്കോട്: എലത്തൂരില്‍ പുലിയിറങ്ങിയതായുള്ള അഭ്യൂഹത്തെ തുടര്‍ന്ന് നാട്ടുകാര്‍ പരിഭ്രാന്തരായി. ഫോറസ്റ്റ് അധികൃതര്‍ സ്ഥലത്തെത്തി പരിശോധന നടത്തിയ ശേഷം ഇത് കാട്ടുപൂച്ചയാണെന്ന് സ്ഥിരീകരിച്ചു. ഇന്നലെ രാത്രി ഒന്‍പതോടെ എലത്തൂര്‍ എച്ച്.പി പെട്രോള്‍ പമ്പിന് വടക്കുഭാഗം ദര്‍ശനാ റോഡിലാണ് പുലിയെ കണ്ടതായി അഭ്യൂഹം ഉയര്‍ന്നത്. എസ്.ഐ എസ്. അരുണ്‍ പ്രസാദും സംഘവും സ്ഥലത്തെത്തിയ ശേഷം കാട്ടുപൂച്ചയാണെന്ന് സ്ഥിരീകരിക്കുകയായിരുന്നു. നേരത്തെയും ഇവിടെ പുലിഭീതി ഉണ്ടായിരുന്നു.