കല്‍പ്പറ്റ: സംസ്ഥാനത്തെ മിടുക്കരായ പട്ടികജാതി വിദ്യാര്‍ഥികള്‍ക്ക് മെഡിക്കല്‍ എന്‍ജിനീയറിങ് കോഴ്‌സുകള്‍ക്ക് പ്രവേശനം നല്‍കുന്നതിനാവശ്യമായ പരിശീലനം നല്‍കുന്നതിനുള്ള വിഷന്‍ 2011-12 പദ്ധതി തുടങ്ങി. എസ്.എസ്.എല്‍.സി പരീക്ഷയില്‍ ബി പ്ലസ്സില്‍ കുറയാത്ത ഗ്രേഡ് നേടിയവരില്‍ സയന്‍സ് ഗ്രൂപ്പെടുത്ത് പ്ലസ്‌വണ്‍ പഠിക്കുന്ന, വാര്‍ഷിക വരുമാനം 4.5 ലക്ഷം രൂപയില്‍ അധികരിച്ചിട്ടില്ലാത്ത രക്ഷാകര്‍ത്താക്കളുടെ കുട്ടികള്‍ക്ക് പ്രമുഖ കോച്ചിങ് സ്ഥാപനങ്ങളില്‍ പരിശീലനം നല്‍കുന്നതിനാണ് പദ്ധതി ലക്ഷ്യമിടുന്നത്. നിശ്ചിത അപേക്ഷയോടൊപ്പം ജാതി, വിദ്യാഭ്യാസ യോഗ്യത, വരുമാനം എന്നിവയുടെ സാക്ഷ്യപ്പെടുത്തിയ പകര്‍പ്പുകള്‍ സഹിതം ജില്ലാ പട്ടികജാതി വികസന ഓഫിസിലോ ബ്ലോക്ക് പട്ടികജാതി വികസന ഓഫിസുകളിലോ ഓഗസ്റ്റ് 15ന് മുമ്പായി അപേക്ഷ നല്‍കണം. ഫോണ്‍: 203824.