തിരുവനന്തപുരം: കൊച്ചി മെട്രോ ഉദ്ഘാടന വേദിയില്‍ ഡി.എം.ആര്‍.സി ചെയര്‍മാന്‍ ഇ. ശ്രീധരന് ലഭിച്ചത് നിലക്കാത്ത കയ്യടി. കലൂര്‍ അന്താരാഷ്ട്ര വേദിയില്‍ കൊച്ചി മെട്രോ എം.ഡി മെട്രോമാനെ സ്വാഗതം ചെയ്തപ്പോള്‍ ലഭിച്ചത് പ്രധാനമന്ത്രി നരേന്ദ്രമോദിയ്ക്കു പോലും ലഭിക്കാത്ത രീതിയിലുള്ള കരഘോഷമായിരുന്നു.

നേരത്തെ മെട്രോ ഉദ്ഘാടന ചടങ്ങില്‍ നിന്നും ശ്രീധരനെയടക്കം പ്രധാനമന്ത്രിയുടെ ഓഫിസ് ഒഴിവാക്കിയത് വന്‍ പ്രതിഷേധങ്ങള്‍ക്കിടയാക്കിയിരുന്നു. പിന്നീട് അദ്ദേഹത്തെ വേദിയില്‍ ഉല്‍പ്പെടുത്തണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന്‍ പ്രധാനമന്ത്രിക്ക് കത്തയച്ചതിനെ തുടര്‍ന്നാണ് മെട്രോമാനെ ചടങ്ങില്‍ ഉള്‍പ്പെടുത്തിയത്.