തിരുവനന്തപുരം: ഉപതെരഞ്ഞെടുപ്പിന് സമപ്പിച്ച പത്രികകളുടെ സൂക്ഷ്മപരിശോധന പൂര്‍ത്തിയായി. വട്ടിയൂര്‍ക്കാവില്‍ ആകെ എട്ട് സ്ഥാനാര്‍ഥികളാണുള്ളത്.

സി.പി.എം ഡമ്മി സ്ഥാനാര്‍ഥിയായി പത്രിക സമര്‍പ്പിച്ച കെ.സി വിക്രമന്‍, സ്വതന്ത്ര സ്ഥാനാര്‍ഥി വിഷ്ണു എസ്. അമ്പാടി എന്നിവരുടെ പത്രികകള്‍ തള്ളി. പത്രിക പിന്‍വലിക്കാനുള്ള അവസാന ദിവസം വ്യാഴാഴ്ചയാണ്. അതിനുശേഷമാകും അന്തിമ സ്ഥാനാര്‍ഥി പട്ടിക പുറത്തുവരിക. വട്ടിയൂര്‍ക്കാവിലെ സ്ഥാനാര്‍ഥികള്‍: വി.കെ പ്രശാന്ത് (സി.പി.എം), കെ. മോഹന്‍കുമാര്‍ (ഇന്ത്യന്‍ നാഷണല്‍ കോണ്‍ഗ്രസ്), എസ്. സുരേഷ് (ബി.ജെ.പി), സുരേഷ് എസ്.എസ് (സ്വതന്ത്രന്‍), മുരുകന്‍. എ (സ്വതന്ത്രന്‍), എ. മോഹനകുമാര്‍ (സ്വതന്ത്രന്‍), മിത്രകുമാര്‍. ജി (സ്വതന്ത്രന്‍), നാഗരാജ് (സ്വതന്ത്രന്‍) എന്നിവരാണ്. 

അരൂരില്‍ ആറ് സ്ഥാനാര്‍ഥികളാണുള്ളത്. എല്‍.ഡി.എഫിന്റെയും എന്‍.ഡി.എയുടെയും ഡമ്മി സ്ഥാനാര്‍ഥികള്‍ പത്രിക പിന്‍വലിച്ചു. മനുജോണ്‍ എന്ന സ്വതന്ത്രന്റെ പത്രിക തള്ളി. പത്രിക പിന്‍വലിക്കാനുള്ള സമയം തീരുന്നതോടെ സ്ഥാനാര്‍ഥികള്‍ക്ക് ചിഹ്നം അനുവദിക്കും. മുന്നണി സ്ഥാനാര്‍ഥികളായ ഷാനിമോള്‍ ഉസ്മാന്‍ (യു.ഡി.എഫ്), മനു സി. പുളിക്കല്‍ (എല്‍.ഡി.എഫ്), പ്രകാശ് ബാബു (എന്‍.ഡി.എ) എന്നിവര്‍ക്ക് പുറമെ ഗീതാ അശോകന്‍, ആലപ്പി സുഗുണന്‍, കെ.ബി സുനില്‍കുമാര്‍ എന്നീ സ്വതന്ത്രരുമാണ് മത്സരരംഗത്തുള്ളത്.