മേപ്പാടി: ചൂരല്‍മല അട്ടമല ഭാഗത്തെ തേയിലത്തോത്തിലേക്ക് കാട്ടാനകള്‍ ഇറങ്ങുന്നത് തോട്ടം തൊഴിലാളികള്‍ക്ക് ഭീതിക്ക് കാരണമാകുന്നു. പകല്‍ സമയം പോലും കാട്ടാനകള്‍ തേയില തോട്ടത്തില്‍ വിഹരിക്കുന്നത് സ്ഥിരം കാഴ്ച്ചയാവുകയാണ്. വനാതിര്‍ത്തിയില്‍ ഫെന്‍സിങ് സ്ഥാപിക്കുന്നതിലെ അപാകതയാണ് കാട്ടാനകള്‍ കാടിറങ്ങി എത്താന്‍ കാരണം.
തോട്ടം തൊഴിലാളികള്‍ പേടിയോടെയാണ് ജോലിയെടുക്കുന്നത്. സെന്റിനല്‍ റോക്ക് എസ്റ്റേറ്റിന്റെ തേയില തോട്ടവുമായി നിരവധി സ്ഥലത്ത് വനഭൂമിയുമായി അതിര്‍ത്തി പങ്കിടുന്നുണ്ട്. ഈ ഭാഗങ്ങളിലാണ് ആന എത്തുന്നത് തേയിലത്തോട്ടത്തില്‍ നിലയുറപ്പിക്കുന്ന ആനക്കൂട്ടം മണിക്കൂറുകളോളം തോട്ടത്തില്‍ തിലയുറപ്പിക്കുന്നത്. തേയില ചെടികള്‍ ചവിട്ടി നശിപ്പിക്കുകയാണ് ആനകള്‍. അട്ടമല ഏറാട്ടക്കുണ്ട് ചൂരല്‍മല ഫാക്ടറിക്ക് സമീപം തുടങ്ങി നിരവധി സ്ഥലങ്ങളിലാണ് ആനകള്‍ എത്തുന്നത്.