ഊട്ടി: നീലഗിരി ജില്ലയില്‍ സഹകരണാടിസ്ഥാനത്തില്‍ പ്രവര്‍ത്തിച്ചുവരുന്ന തേയില ഫാക്ടറികള്‍ കടുത്ത സാമ്പത്തിക പ്രതിസന്ധിയില്ലെന്ന് റിപ്പോര്‍ട്ട്. ജില്ലയില്‍ 16 തേയില സംസ്‌കരണ ഫാക്ടറികളാണുള്ളത്. ഇവയില്‍ മുപ്പതിനായിരം കര്‍ഷകര്‍ മെംബര്‍മാരായി തൊഴില്‍ ചെയ്യുന്നുണ്ട്.
കര്‍ഷകര്‍ ഉല്‍പാതിപ്പിക്കുന്ന പച്ചതേയില ഈ ഫാക്ടറികളിലേക്കാണ് വിനിയോഗം ചെയ്ത് വരുന്നത്. നീലഗിരി ജില്ലയില്‍ മുന്‍കാലങ്ങളെ അപേക്ഷിച്ച് ഈ വര്‍ഷം നല്ലമഴ ലഭിച്ചതിനാല്‍ തേയില തോട്ടങ്ങളില്‍ ഉല്‍പ്പാദനം കൂടിയെങ്കിലും പറിച്ചെറുക്കുന്ന തേയില കൊളുന്ത് മുഴുവനായി സംഭരിക്കാന്‍ കഴിയാത്ത അവസ്ഥയായി.
കര്‍ഷകരില്‍ നിന്നും സംഭരിക്കുന്ന തേയിലക്ക് ക്വാട്ട ഏര്‍പ്പെടുത്തിയതോടെ ലക്ഷകണക്കിന് കിലോ പച്ചതേയില നശിക്കാനും കാരണമായി.
ഫാക്ടറികളില്‍ സംസ്‌കരിച്ച ചായപ്പൊടിക്ക് പ്രതീക്ഷിച്ച വില ലഭിക്കാത്തതിനാലും ലക്ഷണ കണക്കിന് ചായപ്പൊടി ഫാക്ടറികളില്‍ കെട്ടികിടക്കുന്നനാലും കര്‍ഷകരില്‍ നിന്ന് സംഭരിച്ച പച്ചയിലക്ക് വില നല്‍കാന്‍ കഴിയാതെ പ്രയാസപ്പെടുകയാണ്.
സഹകരണ ഫാക്ടറികളില്‍ മെംബര്‍മാരായിരിക്കെ കര്‍ഷകര്‍ നിതചെലവ് നടത്തികൊണ്ടു പോകുവാന്‍ കൂടുതല്‍ വില നല്‍കുന്ന സ്വകാര്യ ഫാക്ടറികളിലേക്കാണ് ഇല നല്‍കിവരുന്നത്.