ചാവക്കാട്: പഞ്ചവടി വാക്കടപ്പുറത്ത് തുലാംവാവ് ദിനത്തില്‍ പിതൃമോക്ഷ പ്രാപ്തി തേടി ബലിതര്‍പ്പണത്തിന് ആയിരങ്ങളത്തെി.
തുലാംവാവ് ദിനമായ ബുധനാഴ്ച്ച പുലര്‍ച്ചെ മൂന്ന് മുതലാണ് വാവുബലി ആരംഭിച്ചത്. പഞ്ചവടി ശ്രീ ശങ്കരനാരായണ ക്ഷേത്രക്കമ്മിറ്റി ബലി തര്‍പ്പണത്തിനായി പ്രത്യേകം നിര്‍മിച്ച പന്തലിലും പുറത്ത് കടപ്പുറം വരെ ഒരേസമയം ആയിരത്തോളം പേരുടെ നാല് നിരയായാണ് ബലിയര്‍പ്പിച്ചത്. ക്ഷേത്രഭരണസംഘം ഭാരവാഹികളായ വാക്കയില്‍ വിശ്വനാഥന്‍, കോങ്കണ്ടത്ത് വിശ്വംഭരന്‍, വേഴമ്പറമ്പത്ത് രാജന്‍, ടി.എ അര്‍ജുനന്‍ സ്വാമി എന്നിവര്‍ നേതൃത്വം നല്‍കി.