കാസര്‍കോട്: ജില്ലാ പഞ്ചായത്ത്  13-ാം ഡിവിഷനായ ഉദുമയില്‍ നടന്ന ഉപതെരഞ്ഞെടുപ്പില്‍ വിജയിച്ച ഷാനവാസ് പാദൂര്‍ ജില്ലാ പഞ്ചായത്ത് അംഗമായി സത്യപ്രതിജ്ഞ ചെയ്തു. ജില്ലാ പഞ്ചായത്ത് ഹാളില്‍ നടന്ന ചടങ്ങില്‍ പ്രസിഡന്റ് എ.ജി.സി ബഷീര്‍ സത്യവാചകം ചൊല്ലിക്കൊടുത്തു. ദൈവനാമത്തിലാണു ഷാനവാസ് പാദൂര്‍ സത്യപ്രതിജ്ഞ ചെയ്തത്. പി.ബി അബ്ദുല്‍ റസാക്ക് എം.എല്‍.എ, ജില്ലാ പഞ്ചായത്ത് വൈസ് പ്രസിഡന്റ് ശാന്തമ്മാ ഫിലിപ്പ്, സ്ഥിരം സമിതി ചെയര്‍മാന്മാരായ സുഫൈജ അബൂബക്കര്‍, ഫരീദ സക്കീര്‍ അഹമ്മദ്, അംഗങ്ങളായ ഡോ. വി.പി.പി മുസ്തഫ, എം നാരായണന്‍, ചെമ്മനാട് ഗ്രാമപഞ്ചായത്ത് പ്രസിഡന്റ് കല്ലട്ര അബ്ദുള്‍ഖാദര്‍, മുന്‍ എം.എല്‍.എ കെ.പി കുഞ്ഞിക്കണ്ണന്‍ തുടങ്ങിയവര്‍ പങ്കെടുത്തു.  ജില്ലാ പഞ്ചായത്ത് സെക്രട്ടറി ഇ.പി രാജ്‌മോഹന്‍ സ്വാഗതം പറഞ്ഞു.