താമരശേരി: ചുരം മൂന്നാംവളവില്‍ കാറുകള്‍ കൂട്ടിയിടിച്ച് അഞ്ചു പേര്‍ക്ക് പരുക്കേറ്റു. മീനങ്ങാടി താളിയില്‍ ഉമര്‍(40), ഭാര്യ ഷരീഫ (35), മക്കളായ സിദ (15), അസിദ (6), ഷറീഫയുടെ ബന്ധുവായ മജീദ് (45) എന്നിവര്‍ക്കാണ് പരുക്കേറ്റത്. സാരമായി പരുക്കേറ്റ ഉമര്‍, ഷരീഫ, മജീദ് എന്നിവരെ കോഴിക്കോട് സഹകരണ ആശുപത്രിയില്‍ പ്രവേശിപ്പിച്ചു. ഇന്നലെ വൈകിട്ട് മൂന്നോടെയാണ് സംഭവം. മീനങ്ങാടിയില്‍ നിന്ന് കോഴിക്കോട്ടേക്ക് പോവുകയായിരുന്ന ഉമറും കുടുബവും സഞ്ചരിച്ചിരുന്ന കാര്‍ എതിരേ വരികയായിരുന്ന മറ്റൊരു കാറുമായി കൂട്ടിയിടിക്കുകയായിരുന്നു.