അരിമ്പ്ര:  സി.എച്ച് മുഹമ്മദ് കോയാ സാഹിബ് സ്മാരക വായനശാല എസ്.എസ്.എല്‍.സി പരീക്ഷയില്‍  ഈ വര്‍ഷവും 100 ശതമാനം വിജയം നേടി ഹാട്രിക്ക് നേട്ടം കരസ്ഥമാക്കിയ അരിമ്പ്ര  ജി.വി.എച്ച്.എസിനെ അരിമ്പ്ര ബാപ്പു സ്മാരക ഉപഹാരം നല്‍കി അനുമോദിക്കുന്നു.
ഇന്ന് രാവിലെ പത്തിന്  അരിമ്പ്ര സ്‌കൂള്‍ അങ്കണത്തില്‍ നടക്കുന്ന ഉപഹാര സമര്‍പ്പണ സമ്മേളനം   പ്രതിപക്ഷ ഉപനേതാവ് ഡോ.എം.കെ  മുനീര്‍ ഉദ്ഘാടനം ചെയ്യും. പി.ഉബൈദുല്ല എം.എല്‍.എ അധ്യക്ഷനാകും. ജില്ലാ  പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ഹയര്‍ സെക്കന്‍ഡറിയില്‍ ഉന്നത വിജയം നേടിയവര്‍ക്കുള്ള അവാര്‍ഡ്  ദാനം വിതരണം ചെയ്യും. ഹാട്രിക്ക് മികവ് പ്രകാശനം ജില്ലാ പഞ്ചായത്ത് വൈസ് പ്രസിഡന്റ്  സക്കീന പുല്‍പ്പാടന്‍ നിര്‍വഹിക്കും. ബ്ലോക്ക് പഞ്ചായത്ത് പ്രസിഡന്റ് കെ. സലീന ടീച്ചര്‍,  പഞ്ചായത്ത് പ്രസിഡന്റ് കെ.എം സലീം മാസ്റ്റര്‍ , ബ്ലോക്ക് പഞ്ചായത്ത് അംഗം എം.കഞ്ഞാലന്‍കുട്ടി, പഞ്ചായത്ത് അംഗങ്ങളായ എന്‍.കെ ഹംസ, പി.സുനീറ, ഇ. റംല, കെ.സൈനബ, ഹസീന  തുടങ്ങിയവര്‍ സംബന്ധിക്കും.