റിയാദ്:വാഹനപകടത്തില്‍ മരണ മടഞ്ഞ പാലക്കാട് സ്വദേശി അഷ്‌റഫിന്റെ കുടുംബത്തിന് ഐസോണിക് റിയാദ് ഹെഡ് ഓഫിസിലെ സ്റ്റാഫുകള്‍ സമാഹരിച്ച തുക റിയാദിലെ സാമൂഹിക പ്രവര്‍ത്തകന്‍ ശിഹാബ് കൊട്ടുകാടിന് ഐസോണിക് റീജയണല്‍ മാനേജര്‍ ഹൈദര്‍ കൈമാറി. ദമ്മാമില്‍ നിന്ന് യാംബുവിലേക്ക് ലോഡുമായി പോകവേ അഷ്‌റഫ് ഓടിച്ച വാഹനം മറ്റൊരു വാഹനത്തിന്റെ പിന്നില്‍ ഇടിച്ചാണ് അപകടമുണ്ടായത്.

നിര്‍ദരരായ കുടുംബത്തിന്റെ ഏക അത്താണിയായിരുന്നു അഷ്‌റഫ്.ഭാര്യ,ജംഷീന മക്കള്‍ സുമയ്യ,ജുമാന,ആശിര്‍,അംന. റിയാദിലെ ഐസോണിക് ഹെഡ് ഓഫിസില്‍ വച്ച് നടന്ന ലളിതമായ ഫണ്ട് കൈമാറ്റ ചടങ്ങില്‍ നൗഷാദ് ആലുവ ഐസോണിക് സ്റ്റാഫ് അംഗങ്ങള്‍ ആയ സെരീജ്, സന്തോഷ്, അജ്മല്‍, സജീസ്, ആസിഫ്, മുഹ്‌സിന്‍, എന്നിവര്‍ പങ്കെടുത്തു. സദുവാ ഡ്രൈവേഴ്‌സ് കൂട്ടായ്മ നിരാലംബരായ അഷ്‌റഫ് കുടുംബത്തെ സഹായിക്കാന്‍ വേണ്ടിയുള്ള ശ്രമത്തിലാണ്. അഷ്‌റഫിനെ കുടുംബത്തിന് പുനരധിവാസം സാധ്യമാക്കുന്നതിനുള്ള ശ്രമത്തിലാണ് റിയാദിലെ ഡ്രൈവേഴ്‌സ് കൂട്ടായ്മകള്‍. സദുവാ സെക്രട്ടറി ഇല്യാസ്, ആബിദ് പ്രമോദ് എന്നിവരും ചടങ്ങില്‍ സംബന്ധിച്ചു.