കൊച്ചി: പാലാരിവട്ടം മേല്‍പ്പാലം ഉടന്‍ പൊളിക്കരുതെന്ന് സര്‍ക്കാരിനോട് ഹൈക്കോടതി നിര്‍ദേശിച്ചു. പാലത്തിന്റെ ബലക്ഷയത്തില്‍ ലോഡ് ടെസ്റ്റ് നടത്തുന്നുണ്ടെങ്കില്‍ കോടതിയെ അറിയിക്കണം. ഇതേ തുടര്‍ന്നാണ് 15 ദിവസത്തിനകം തീരുമാനമറിയിക്കാന്‍ കോടതി സര്‍ക്കാരിനോട് ആവശ്യപ്പെട്ടു.

പാലം പൊളിക്കാനുള്ള സര്‍ക്കാര്‍ തീരുമാനം നിര്‍ത്തണമെന്നാവശ്യപ്പെട്ട് അസോസിയേഷന്‍ ഓഫ് സ്ട്രക്ചറല്‍ ആന്‍ഡ് ജിയോ ടെക്‌നിക്കല്‍ കണ്‍സള്‍ട്ടിങ് എന്‍ജിനിയേഴ്‌സും മുന്‍ പ്രസിഡന്റ് അനില്‍ ജോസഫും നല്‍കിയ ഹര്‍ജിയിലാണ് കോടതിയുടെ ഉത്തരവ്. ഹര്‍ജി തീര്‍പ്പാകുംവരെ പാലം പൊളിച്ചുപണിയാനുള്ള നടപടികള്‍ സ്റ്റേ ചെയ്യണമെന്ന ഹര്‍ജിക്കാരുടെ ആവശ്യം കോടതി അംഗീകരിക്കുകയും ചെയ്തു.

മേല്‍പ്പാലം അറ്റകുറ്റപ്പണി നടത്തി ഗതാഗതയോഗ്യമാക്കാന്‍ കഴിയുമോയെന്നു പരിശോധിക്കാതെ പൊളിക്കാനുള്ള തീരുമാനം തടയണം, സമയബന്ധിതമായി ലോഡ് ടെസ്റ്റ് നടത്താന്‍ സര്‍ക്കാരിനോട് നിര്‍ദേശിക്കണം തുടങ്ങിയകാര്യങ്ങളാണ് ഹരജിക്കാര്‍ ഉന്നയിച്ചത്