കോഴിക്കോട്: മിഠായിത്തെരുവ് ഖാദി ഗ്രാമോദ്യോഗ് എംപോറിയത്തില്‍ റമദാന്‍ ഖാദി മേള ആരംഭിച്ചു.

പത്രപ്രവര്‍ത്തകന്‍ കെ.പി കുഞ്ഞിമൂസ ഉദ്ഘാടനം ചെയ്തു. സര്‍വോദയ സംഘം പ്രസിഡന്റ് വി. മോഹന്‍ദാസ് അധ്യക്ഷനായി. ബ്ലോക്ക് ഡെവലപ്‌മെന്റ് ഓഫിസര്‍ കൃഷ്ണകുമാരി, കുടുംബശ്രീ ജില്ലാ മിഷന്‍ ജന്റര്‍ കണ്‍സള്‍ട്ടന്റ് രജിത സംസാരിച്ചു. മേളയില്‍ ഖാദി തുണിത്തരങ്ങള്‍ക്ക് 20 ശതമാനം റിബേറ്റും 10 ശതമാനം കിഴിവും ലഭ്യമാണ്. ഗ്രാമ വ്യവസായ ഉല്‍പ്പന്നങ്ങളും മേളയിലെ പ്രധാന ആകര്‍ഷണങ്ങളാണ്. രാവിലെ 10 മുതല്‍ ആരംഭിക്കുന്ന മേള 24ന് സമാപിക്കും. എം. പരമേശ്വരന്‍ സ്വാഗതവും ഖാദി ഗ്രാമോദ്യോഗ് എംപോറിയം മാനേജര്‍ എം.കെ ശ്യാംപ്രസാദ് നന്ദിയും പറഞ്ഞു.