ലണ്ടന്‍: മുന്‍ ചെല്‍സി ഫുട്‌ബോള്‍ ഇതിഹാസ താരം ദിദിയര്‍ ദ്രോഗ്ബ ഈ മാസം 23ന് ഇന്ത്യയിലെത്തും. ചെല്‍സി എഫ്.സിയുടെ ഔദ്യോഗിക പാര്‍ട്ട്‌നറായ യോകോഹാമയുടെ പരിപാടിയുടെ ഭാഗമായാണ് താരം ഇന്ത്യയുടെ തലസ്ഥാന നഗരിയായി ന്യൂഡല്‍ഹിയിലേക്ക് വരുന്നത്.
ടയര്‍ നിര്‍മാണ കമ്പനിയായ യോകോഹാമയുടെ ടയര്‍ ഫുട്‌ബോള്‍ ചലഞ്ചില്‍ ആരാധകര്‍ക്ക് ആവേശമായാണ് ഡല്‍ഹിയിലെ ഗുരുഗ്രാമത്തിലേക്ക് താരം എത്തിച്ചേരുന്നത്.
ചെല്‍സിക്കൊപ്പം 12 പ്രധാന കിരീടങ്ങളാണ് ഈ ഐവറി കോസ്റ്റ് താരം ചൂടിയത്. പരിപാടിയില്‍ താരവുമായി ചോദ്യോത്തര വേളയും നടത്തിപ്പുകാര്‍ ഒരുക്കുന്നുണ്ട്.