എടപ്പാള്‍: കത്തികാട്ടി ഭീഷണിപ്പെടുത്തി ക്ലോറോഫോം മണപ്പിച്ചു മോഷണം നടത്തിയ  കേസില്‍ അന്വേഷണം ഊര്‍ജിതമാക്കി. അന്വേഷണത്തിന്റെ ഭാഗമായി ഇന്നലെ മലപ്പുറത്തു നിന്നും  വിരലടയാള വിദഗ്ധരും പൊലിസ് നായയും സംഭവം നടന്ന വീട്ടിലെത്തി പരിശോധന നടത്തി.
വിരലടയാള വിദഗ്ധന്‍ അനൂപ് ജോണിന്റെ നേതൃത്വത്തിലുള്ള സംഘമാണ് ഇന്നലെ എടപ്പാളിലെത്തിയത്. അയിലക്കാട് വൈദ്യര്‍മൂല മാക്കാലിക്കല്‍ ഇന്ദിരയെ(67)യാണു ബുധനാഴ്ച ഉച്ചയ്ക്ക് ഒന്നരയ്ക്കു രണ്ടണ്ടംഗ സംഘം കത്തികാട്ടി ഭീഷണിപ്പെടുത്തി ക്ലോറോഫോം മണപ്പിച്ചു മോഷണം നടത്തിയത്.
20 പവനും 5000 രൂപയുമാണു മോഷണം പോയത്. ആക്രമണത്തില്‍ ഇന്ദിരയ്ക്കു നിസാര പരുക്കേറ്റിരുന്നു. ഗള്‍ഫിലുള്ള ഇന്ദിരയുടെ മരുമകന്റെ സുഹൃത്തുക്കള്‍ എന്നു പറഞ്ഞെത്തിയ സംഘമാണു മോഷണം നടത്തിയത്. ബോധരഹിതയായ ഇന്ദിര ബോധം വീണ്ടെണ്ടടുത്ത് അടുത്ത വീട്ടില്‍ വിവരം അറിയിക്കുകയായിരുന്നു. ഉടന്‍ തന്നെ പ്രദേശത്ത് പരിശോധന നടത്തിയെങ്കിലും ആരെയും കണ്ടെണ്ടത്താനായില്ല. പൊന്നാനി സി.ഐ മുഹമ്മദ് ഹനീഫ, ചങ്ങരംകുളം എസ്.ഐ ബേബി എന്നിവരുടെ നേതൃത്വത്തിലാണ് അന്വേഷണത്തിനു നേതൃത്വം നല്‍കുന്നത്.