കണ്ണൂര്‍: ഡോക്ടറുടെ വീട്ടില്‍ നിന്ന് ആറുമാസത്തിനിടെ 60 പവനോളം സ്വര്‍ണാഭരണങ്ങള്‍ കവര്‍ന്ന കേസില്‍ വീട്ടുജോലിക്കാരി അറസ്റ്റില്‍. സെന്റ് മൈക്കിള്‍സ് സ്‌കൂളിനു സമീപത്തെ ഡോ. റോഷന്റെ മാതാവ് പ്രമീള രാധാകൃഷ്ണന്റെ പരാതിയില്‍ കൊറ്റാളി സ്വദേശിനിയായ റിന്‍ഷ (30) യെയാണ് ടൗണ്‍ സി.ഐ രത്‌നകുമാറിന്റെ നേതൃത്വത്തില്‍ അറസ്റ്റുചെയ്തത്.
ഡോക്ടറുടെ വീട്ടില്‍ റിന്‍ഷ ആറുമാസമായി വേലക്കാരിയായി ജോലി ചെയ്തിരുന്നു. കഴിഞ്ഞദിവസം ബന്ധുവിന്റെ വീട്ടില്‍ വിവാഹത്തിനു പോകാനായി വീട്ടുകാര്‍ അലമാരയില്‍ നിന്ന് ആഭരണമെടുക്കാന്‍ നോക്കിയപ്പോഴാണ് മോഷണം നടന്നതായി മനസിലായത്. തുടര്‍ന്ന് നടത്തിയ പൊലിസ് അന്വേഷണത്തിലാണ് ആഭരണങ്ങള്‍ കൈക്കലാക്കിയത് റിന്‍ഷയാണെന്നു തെളിഞ്ഞത്.