ലണ്ടന്‍: ഇന്ത്യന്‍ ക്രിക്കറ്റ് പരിശീലകന്‍ സ്ഥാനത്തു നിന്ന് അനില്‍ കുംബ്ലെ രാജിവച്ചു. ടീം അംഗങ്ങളുമായുള്ള ഭിന്നതയെത്തുടര്‍ന്നാണ് രാജി. ലണ്ടനിലുള്ള അനില്‍ കുംബ്ലെ രാജിക്കത്ത് ബി.സി.സി.ഐക്കു കൈമാറി.

23 മുതല്‍ ആരംഭിക്കുന്ന വെസ്റ്റ് ഇന്‍ഡീസ് പരമ്പരയ്ക്കുള്ള ടീമിന്റെ കൂടെ കുംബ്ലെ പോയിരുന്നില്ല. ലണ്ടനില്‍ ഐ.സി.സി യോഗമുള്ളതിനാലാണ് ടീമിന്റെ കൂടെ പോവാത്തതെന്ന് അദ്ദേഹം വിശദീകരിച്ചിരുന്നു. എന്നാല്‍ നായകന്‍ വിരാട് കോഹ്‌ലിയടക്കമുള്ളവരുമായുള്ള ഭിന്നത ഒടുവില്‍ രാജിയിലെത്തിക്കുകയായിരുന്നു.