കോഴിക്കോട്: കൂടത്തായി കൂട്ടക്കൊലക്കേസിലെ മുഖ്യപ്രതി ജോളിയുമായി രാത്രി പൊലിസ് പെന്നാമറ്റം വീട്ടിലെത്തിച്ച് നടത്തിയ തെളിവെടുപ്പില്‍ സനൈഡ് അടങ്ങിയ കുപ്പികണ്ടെത്തി. വീട്ടിലെ അടുക്കള ഭാഗത്ത് റാക്കില്‍ സൂക്ഷിച്ച നിലയിലാണ് ചെറിയ കുപ്പികണ്ടെത്തിയത്. പ്രതി ജോളിയാണ് കുപ്പി അന്വേഷണ സംഘത്തിന് എടുത്ത് നല്‍കിയത്.
കൊലപാതകത്തിന് ഉപയോഗിച്ച സയനൈഡിന്റെ ഭാക്കി രഹസ്യസ്ഥലത്ത് സൂക്ഷിച്ചിട്ടുണ്ടെന്ന പ്രതിയുടെ മൊഴിയിലാണ് തിങ്കളാഴിച്ച രാത്രി പൊലിസ് പൊന്നാമറ്റം വീട്ടിലെത്തി തെളിവെടുപ്പ് നടത്തിയത്.
എസ്.പി ഡോ. ദിവ്യാ ഗോപിനാഥിന്റെ നേതൃത്വത്തിലുള്ള വിദഗ്ധ സംഘമാണ് രണ്ടാമതും പൊന്നാമറ്റം വീട്ടിലെത്തിയത്. ജോളിയുടെ ഭര്‍ത്താവ് ഷാജു, പിതാവ് സക്കറിയാസ് എന്നിവരെ പൊലിസ് ചോദ്യം ചെയ്തിരുന്നു. തുടര്‍ന്ന് ജോളിയില്‍ നിന്നും ലഭിച്ച വിവരത്തിന്റെ അടിസ്ഥാനത്തിലാണ് അന്വോഷണ സംഘം രാത്രി വീണ്ടും എത്തിയത്. സയനൈഡ് കുപ്പി അന്വേഷണ സംഘം സീല് ചെയ്തു. ഫോറന്സിക് സംഘം തെളിവെടുപ്പ് തുടരുകയാണ്.