കുറ്റ്യാടി: സുപ്രിം കോടതി വിധിയുടെ പേര് പറഞ്ഞ് ആചാരവും വിശ്വാസവും തകര്‍ത്ത് വിപ്ലവം വളര്‍ത്തുകയാണ് ശബരിമല വിഷയത്തില്‍ മുഖ്യമന്ത്രി ചെയ്യുന്നതെന്ന് പാറക്കല്‍ അബ്ദുല്ല എം.എല്‍.എ. വടയം സൗത്ത് എല്‍.പി സ്‌കൂളില്‍ നടന്ന കുറ്റ്യാടി മണ്ഡലം യു.ഡി.എഫ് കണ്‍വന്‍ഷന്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
യുവതീപ്രവേശന വിധിയില്‍ ബി.ജെ.പി നടത്തുന്ന സമരങ്ങള്‍ രാഷ്ട്രീയ നേട്ടത്തിനു വേണ്ടിയുള്ളതാണെന്നും അദ്ദേഹം ആരോപിച്ചു. കേളോത്ത് കുഞ്ഞമ്മദ് കുട്ടി അധ്യക്ഷനായി. അമ്മാരപ്പള്ളി കുഞ്ഞിശങ്കരന്‍, നൊച്ചാട്ട് കുഞ്ഞബ്ദുല്ല, പുതിയെടുത്ത് കുഞ്ഞബ്ദുല്ല, സി.സി സൂപ്പി, എസ്.ജെ സജീവ് കുമാര്‍, എം.കെ അബ്ദുറഹ്മാന്‍, ബിജി വിനോദ്, ശ്രീജേഷ് ഊരത്ത്, പി.കെ സുരേഷ്, ഒ.സി അബ്ദുല്‍ കരിം, സി.കെ കുഞ്ഞബ്ദുല്ല, ടി.സുരേഷ് ബാബു, വി.പി മുഹമ്മദ് ജൈസല്‍, ടി.എം അമ്മദ്, എ.ടി ഗീത, ടി.കെ നഫീസ, ആയിഷ ഹമീദ്, കെ.വി ജമീല സംസാരിച്ചു.