കുന്നുംകൈ: ജീവകാരുണ്യ രംഗത്ത് മുസ്‌ലിം ലീഗ് ചെയ്യുന്ന സേവനം മഹത്തരമാണെന്നു എന്‍.പി.എം സയ്യിദ് സൈനുല്‍ ആബിദീന്‍ തങ്ങള്‍.  കുന്നുംകൈ വെസ്റ്റ് മുസ്‌ലിം ലീഗ് കമ്മിറ്റിയുടെ ആഭിമുഖ്യത്തില്‍ നടത്തിയ റിലീഫ് വിതരണം ചെയ്യുകയായിരുന്നു അദ്ദേഹം. എന്‍.പി അബ്ദുല്‍ റഹ്മാന്‍ അധ്യക്ഷനായി. മണ്ഡലം മുസ്‌ലിം ലീഗ് ജനറല്‍സെക്രട്ടറി അഡ്വ. എം.ടി.പി ഖരീം പൊതുയോഗം  ഉദ്ഘാടനം ചെയ്തു.  
ശിഹാബ് തങ്ങള്‍  സമാശ്വാസ പെന്‍ഷന്‍ വിതരണം മണ്ഡലം മുസ്‌ലിം ലീഗ് സെക്രട്ടറി പി. ഉമര്‍ മൗലവി നിര്‍വഹിച്ചു. ജാബിര്‍ ഹുദവി ചാനടുക്കം ശിഹാബ് തങ്ങള്‍ അനുസ്മരണ പ്രഭാഷണം നടത്തി. എസ്.എസ്. എല്‍.സി.സി പരീക്ഷയില്‍ നൂറുമേനി വിജയം നേടിയ പെരുമ്പട്ട സി.എച്ച് മുഹമ്മദ് കോയ ഹയര്‍സെക്കന്‍ഡറി സ്‌കൂളിനുള്ള ഉപഹാരം  എല്‍.കെ നാസറില്‍ നിന്നു പി.ടി.എ പ്രസിഡന്റ് പി.സി ഇസ്മയില്‍ ഏറ്റുവാങ്ങി. ജാതിയില്‍  അസിനാര്‍ പെരുന്നാള്‍ കിറ്റ് വിതരണവും ചികിത്സാസഹായം എ. മുഹമ്മദ് റാഫിയും നിര്‍വഹിച്ചു. എ.വി അബ്ദുല്‍ ഖാദര്‍, സൈഫുദ്ദീന്‍ തങ്ങള്‍, എല്‍.കെ ഷൌക്കത്ത്, സയ്യിദ് ശറഫുദ്ധീന്‍ തങ്ങള്‍, എ. നസീര്‍, മുസ്തഫ പെരുമ്പട്ട, റാഹില്‍ മൌക്കൊട്, സെക്രട്ടറി എ. ദുല്‍കിഫിലി, നസീര്‍ പൂക്കാട് എന്നിവര്‍ സംസാരിച്ചു.