നിലമ്പൂര്‍: സ്‌കൂളുകള്‍ കേന്ദ്രീകരിച്ച് കഞ്ചാവ് വില്‍പ്പന നടത്തുന്ന രണ്ടു പേരെ എക്‌സൈസ് പിടികൂടി. ഇവര്‍ കഞ്ചാവ് വില്‍പ്പനക്ക് ഉപയോഗിച്ച ബൈക്കുകളും പിടിച്ചെടുത്തു. നിലമ്പൂര്‍ കൊന്നലത്ത് കളത്തിങ്ങല്‍ ജമാലുദ്ദീന്‍ എന്ന കോഴി ബാബു(38), മണലൊടി പട്ടരാക്ക പടിഞ്ഞാറെത്തല ഫാസില്‍(24) എന്നിവരെയാണ് എക്‌സൈസ് പിടികൂടിയത്.
ജമാലുദ്ദീനെ ഒന്നരയോടെ മാനവേദന്‍ സ്‌കൂള്‍ പരിസരത്തുനിന്നും 199ഗ്രാം കഞ്ചാവ്  വില്‍പ്പനക്ക് കൊണ്ടുവരുന്നതിനിടയില്‍ എക്‌സൈസ് ഇന്‍സ്‌പെക്ടര്‍ പി. രമേശനും ഫാസിലിനെ വൈകിട്ട് നാലോടെ കോവിലകം പാറക്കടവിനുസമീപത്തുനിന്നും 110ഗ്രാം കഞ്ചാവുമായി എക്‌സൈസ് അസി. ഇന്‍സ്‌പെക്ടര്‍ എന്‍ അശോകനുമാണ് അറസ്റ്റ് ചെയ്തത്.  സിവില്‍ എക്‌സൈസ് ഓഫിസര്‍മാരായ എം ഹരികൃഷ്ണന്‍, എം.കെ ശശിധരന്‍, റജി തോമസ്, സി സുഭാഷ്, ബാബു ജയിംസ്, എന്‍.കെ സനീറ എന്നിവരാണ് സംഘത്തിലുണ്ടായിരുന്നത്. പ്രതികളെ നിലമ്പൂര്‍ കോടതിയില്‍ ഹാജരാക്കി.