വാടാനപ്പള്ളി: പതിനാറുകാരിയെ പീഡിപ്പിച്ച കേസ്സില്‍ യുവാവിനെ വലപ്പാട് പൊലിസ് അറസ്റ്റ് ചെയ്തു.
വലപ്പാട് ബീച്ച് കുമ്പളത്തറ സന്ദീപ് (34)ആണ് അറസ്റ്റിലായത്. പോക്‌സോ ഉള്‍പ്പെടെയുള്ള കുറ്റങ്ങളാണ് ഇയാള്‍ക്കെതിരെ ചുമത്തിയിട്ടുള്ളത്. സംഭവത്തില്‍ കൂട്ടുപ്രതികളായ മൂന്നു പേര്‍ ഒളിവില്‍.
പെണ്‍കുട്ടിയെ ഇയാള്‍ വീട്ടിലെത്തി മറ്റാരുമില്ലാത്ത സമയത്ത് പീഡിപ്പിക്കുകയായിരുന്നുവെന്ന് പൊലീസ് പറഞ്ഞു. നാലു ദിവസം മുമ്പ് ലഭിച്ച പരാതിയുടെ അടിസ്ഥാനത്തില്‍ ചൊവ്വാഴ്ച രാത്രി വലപ്പാട് സി.ഐ:സി.ആര്‍.സന്തോഷ്, എസ്.ഐ:ഇ.ആര്‍.ബൈജു എന്നിവരുടെ നേതൃത്വത്തിലുള്ള പൊലിസ് വലപ്പാട് ബീച്ചില്‍നിന്നും പ്രതിയെ പിടികൂടുകയായിരുന്നു.സീനിയര്‍ സി.പി.ഒ ജലീല്‍, പി.കെ.റഫീഖ് എന്നിവരും അറസ്റ്റ് രേഖപ്പെടുത്തിയ സംഘത്തിലുണ്ടായിരുന്നു.
തൃശൂര്‍ അഡീഷണല്‍ സെഷന്‍സ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.