കാസര്‍കോട്: പ്രമുഖ മതപണ്ഡിതനും സമസ്ത സീനിയര്‍ വൈസ് പ്രസിഡന്റുമായിരുന്ന സി.എം അബ്ദുല്ല മൗലവിയുടെ കൊലപാതകക്കേസ് അന്വേഷണത്തിന്റെ ഭാഗമായി സി.ബി.ഐയുടെ ഉന്നത ഉദ്യോഗസ്ഥര്‍ അടങ്ങുന്ന സംഘം ഇന്നലെ ചെമ്പരിക്കയില്‍ എത്തി. ചെന്നൈ, കര്‍ണാടക റീജ്യന്റെ ചുമതലയുള്ള ഐ.ജി റാങ്കിലുള്ള ഉദ്യോഗസ്ഥനും സംഘവുമാണ് ഇന്നലെ വൈകുന്നേരത്തോടെ ചെമ്പരിക്കയില്‍ എത്തിയത്.

ഖാസിയുടെ മൃതദേഹം കണ്ട കടുക്ക കല്ല്, ഖാസി താമസിച്ചിരുന്ന വീട്, മകന്‍ ഷാഫിയുടെ വീട് എന്നിവിടങ്ങളിലാണ് സി.ബി.ഐ സംഘം പരിശോധന നടത്തിയത്.
ഇന്നലെ വൈകുന്നേരം അഞ്ചരയോടെ ചെമ്പരിക്കയിലെത്തിയ സംഘം വിവിധ സ്ഥലങ്ങളിലെ പരിശോധനയ്ക്ക് ശേഷം ഏഴോടെയാണ് മടങ്ങിയത്.