അരൂര്‍: കെ.എസ്.ആര്‍.ടി.സി ബസ് മിനി വാനിലടിച്ചു രണ്ട് പേര്‍ക്ക് പരുക്കേറ്റു. അരൂര്‍ സ്വദേശി രാധാകൃഷ്ണന്‍ (52), കൊച്ചി സ്വദേശി പ്രസാദ് (26) എന്നിവര്‍ക്കാണ് പരുക്കേറ്റത്.
ഇവരെ എറണാകുളത്തെ സ്വകാര്യാശുപത്രിയില്‍ പ്രവേശിപ്പിച്ചു. ദേശീയപാതയില്‍ ചന്തിരൂര്‍ കുമര്‍ത്തുപടി ക്ഷേത്രത്തിനു സമീപം ഉച്ചക്ക് പതിനൊന്ന് മണിയോടെയായിരുന്നു അപകടം.
അരൂരില്‍ നിന്ന് ചന്തിരൂരിലേക്ക് ടൈല്‍ ഒട്ടിക്കുന്നതിനുള്ള പശയുമായി പോകുകയായിരുന്ന മിനി വാനും ഇടപ്പള്ളിയില്‍നിന്ന്  കൊല്ലത്തേക്ക് പോകുകയായിരുന്ന കെ.എസ്.ആര്‍.ടി.സി ബസുമാണ് കൂട്ടിയിടിച്ചത്.
ഇടിയുടെ ആഘാതത്തില്‍ മിനി ലോറി മീഡിയത്തില്‍ നിന്നിരുന്ന സ്ട്രീറ്റ് പോസ്റ്റ് ഇടിച്ചു തെറിപ്പിച്ച ശേഷം എതിര്‍വശത്തുള്ള റോഡിലേക്ക് മറിഞ്ഞു.
അപകടത്തില്‍പ്പെട്ടവരെ നാട്ടുകാര്‍ അതുവഴിയെത്തിയ ആംബുലന്‍സില്‍ ആശുപത്രിയില്‍ എത്തിച്ചു. അരൂര്‍ പൊലിസും ഹൈവെ പൊലിസും സ്ഥലത്തെത്തി ഗതാഗതം പുനസ്ഥാപിച്ചു.