മാഡ്രിഡ്: ഒരുമാസത്തെ ഇടവേളക്ക് ശേഷം യുവേഫ നാഷന്‍സ് ലീഗില്‍ ഇന്ന് മത്സരങ്ങള്‍ക്ക് തുടക്കമാകും. ഇന്നത്തെ ആദ്യ മത്സരത്തില്‍ ലോകകപ്പിലെ മൂന്നാം സ്ഥാനക്കാരായ ബെല്‍ജിയവും ഫുട്‌ബോളിലെ കുഞ്ഞന്മാരായ ഐസ്‌ലന്റും തമ്മിലാണ് ഏറ്റുമുട്ടുന്നത്. മറ്റൊരു മത്സരത്തില്‍ ലോകകപ്പിലെ രണ്ടാം സ്ഥാനക്കാരായ ക്രൊയേഷ്യയും സ്‌പെയിനും തമ്മിലാണ് കൊമ്പുകോര്‍ക്കുന്നത്. ക്രൊയേഷ്യയുടെ ഹോം ഗ്രൗണ്ടിലാണ് മത്സരം. യുവേഫ നാഷന്‍സ് ലീഗിലെ ആദ്യ മത്സരത്തില്‍ എതിരില്ലാത്ത ആറുഗോളുകള്‍ക്ക് സ്‌പെയിന്‍ ക്രൊയേഷ്യയെ തകര്‍ത്തിരുന്നു. ഇതിന് പകരംവീട്ടാന്‍ ഒരുങ്ങിയാണ് ഇന്നത്തെ മത്സരത്തില്‍ ക്രൊയേഷ്യ സ്വന്തം നാട്ടുകാര്‍ക്ക് മുന്നില്‍ ഇറങ്ങുന്നത്. മറ്റു മത്സരങ്ങളില്‍ ആസ്ട്രിയയും ബോസ്‌നിയയും തമ്മിലും ഗ്രൂപ്പ് സിയില്‍ ഹംഗറി-എസ്‌തോണിയ, ഗ്രീസ്-ഫിന്‍ലല്‍ഡ് എന്നിവര്‍ തമ്മിലും ഏറ്റുമുട്ടും.
സൗഹൃദ മത്സരങ്ങളില്‍ ജര്‍മനി റഷ്യയെ റഷ്യയുടെ ഹോം ഗ്രൗണ്ടിലും ഇംഗ്ലണ്ട് അമേരിക്കയെ ലണ്ടനിലെ വെംബ്ലി സ്റ്റേഡിയത്തിലും നേരിടും. മറ്റൊരു മത്സരത്തില്‍ പോളണ്ട് ചെക്ക്‌റിപ്പബ്ലിക്കുമായി പോരിനിറങ്ങും.