പനി പ്രതിരോധ പ്രവര്‍ത്തനങ്ങളില്‍ ആരോഗ്യവകുപ്പ് പൂര്‍ണ പരാജയമാണ്. പ്രതിരോധ പ്രവര്‍ത്തനങ്ങള്‍ കാര്യക്ഷമമല്ല. മഴക്കാല പൂര്‍വ ശുചീകരണത്തില്‍ അലംഭാവം കാണിച്ചിട്ടുണ്ട്. ഓരോരുത്തര്‍ക്കും ഇക്കാര്യത്തില്‍ ഉത്തരവാദിത്തമുണ്ട്.
മലയാളി ശുചിത്വബോധത്തില്‍ പിന്നിലാണ്. വ്യക്തി ശുചിത്വം നടിക്കുന്നവരാണെങ്കിലും പരിസര ശുചീകരണം തീരെ ഇല്ല. ആ മനോഭാവം മാറ്റണം. പനി പിടിച്ച് മരിച്ചവരുടെ എണ്ണം 115 കവിഞ്ഞു. 6808 ഡെങ്കിപ്പനി സ്ഥിരീകരിച്ചു.764 പേര്‍ക്ക് എച്ച്.1 എന്‍.1 ഉം 631 പേര്‍ക്ക് എലിപ്പനിയും സ്ഥിരീകരിച്ചു. പനി വര്‍ധിക്കാന്‍ കാരണമായത് കാലാവസ്ഥാ വ്യതിയാനം, ജലദൗര്‍ലഭ്യം, മാലിന്യ സംസ്‌കരണത്തിലെ അപര്യാപ്തത എന്നിവയാണ്. അതിന് പരിഹാരം കാണേണ്ട സര്‍ക്കാര്‍ കാണിക്കുന്ന അലംഭാവം കേരളത്തെ പനിക്കിടക്കയില്‍ പിടിച്ച് കിടത്തും.