ആറ്റിങ്ങല്‍: മിക്ക മോഷ്ടാക്കളിലും കണ്ടു വരുന്നതു പോലെ മോഷണമുതല്‍ വിറ്റുകിട്ടുന്ന പണം ധൂര്‍ത്തടിച്ചു കളയാനായിരുന്നില്ല സംഘത്തിലെ പ്രധാനിയായിരുന്ന ബോംബേ മണികണ്ഠനു താല്‍പര്യം.
സാധിക്കുന്ന സ്ഥലങ്ങളിലെല്ലാം വസ്തുവകകള്‍ വാങ്ങിക്കൂട്ടാനായിരുന്നു. കന്യാകുമാരി ജില്ലയിലെ തക്കലയിലെ വീടിനു മാത്രം നാല്  കോടി രൂപ വില വരും. കൂടാതെ തെങ്കാശി, മുംബായ് മറ്റു വിവിധ സ്ഥങ്ങളിലും വസ്തുവകകള്‍ ഉള്ളതായി പൊലിസ് പറഞ്ഞു.
അറസ്റ്റും സിനിമാ സ്‌റ്റൈലിലാണ്.എന്തിനും ഏതിനും ഒരു ത്രില്‍ എന്നതാണു ഇയാളുടെ ഒരു ശൈലി.4 വര്‍ഷം മുന്‍പ് ഇയാളെ പൊലിസ് കീഴടക്കുന്നത് ശക്തമായൊരു ഏറ്റുമുട്ടലിനു ശേഷം കാല്‍മുട്ടിനു താഴെ വെടി വെച്ചിട്ട്.
 നാലു സംസ്ഥാനങ്ങളിലായി 200 ലധികം കേസുകള്‍. കേരളം, തമിഴ്‌നാട്, കര്‍ണാടക, ഗോവ എന്നിവിടങ്ങളിലായി ഇയാള്‍ക്കെതിരേ 200 ലേറെ കേസുകളുള്ളതായി പൊലിസ് പറയുന്നു.