കാസര്‍കോട്: ന്യൂനമര്‍ദ്ദത്തെത്തുടര്‍ന്ന് ശക്തമായ മഴ തുടരുന്ന സാഹചര്യത്തില്‍ ശനിയാഴ്ച കാസര്‍കോട് ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് അവധിയായിരിക്കുമെന്ന് ജില്ലാ കലക്ടര്‍ അറിയിച്ചു.

അംഗന്‍വാടികള്‍ മുതല്‍ പ്രൊഫഷണല്‍ കോളജ് വരെയുള്ള വിദ്യാഭ്യാസ സ്ഥാപനങ്ങള്‍ക്ക് അവധി ബാധകമായിരിക്കും. കലാമേളകള്‍ നടത്തേണ്ടതില്ലെന്നും കലക്ടര്‍ അറിയിച്ചു. അതേസമയം നേരത്തേ നിശ്ചയിച്ച പരീക്ഷകള്‍ മാറ്റമില്ലാതെ നടത്തും.