പൂനൂര്‍: വ്രത ശുദ്ധിയുടെ നാളുകളെ മാനവ സൗഹാര്‍ദ ദിനങ്ങളാക്കി പൂനൂര്‍ ഗവ ഹയര്‍സെക്കന്‍ഡറി സ്‌കൂളിലെ എന്‍.എസ.്എസ് വളണ്ടിയര്‍മാര്‍. വിദ്യാര്‍ഥികള്‍ സ്‌കൂളില്‍ വച്ച് ഇഫ്താര്‍ വിരുന്നൊരുക്കുകയും ദത്തുഗ്രാമമായ നെരോത്ത് തെരഞ്ഞെടുത്ത വീടുകളില്‍ പെരുന്നാള്‍ കിറ്റ് വിതരണം നടത്തുകയും ചെയ്തു.
സ്‌നേഹം പങ്കിടാന്‍ വിദ്യാര്‍ഥികളെത്തിയത് വീട്ടുകാര്‍ക്കും പുതിയൊരനുഭവമായി. വാര്‍ഡ് മെംബര്‍ തൊളോത്ത് മുഹമ്മദിന്റെ നേതൃത്വത്തിലാണ് വിദ്യാര്‍ഥികള്‍ വീടുകളിലെത്തിയത്. എന്‍.എസ്.എസ് പ്രോഗ്രാംഓഫിസര്‍ കെ.സി റിജുകുമാര്‍, അധ്യാപകരായ ടി. വിനീഷ് ,ഒ.മുഹ്‌സിന്‍ ,ജിഷാദ്, ഷിനോദ്, വളണ്ടിയര്‍മാരായ ലിജിന്‍രാജ്, ബിജിത്ത്, നയീംഅലി, അഭിരാമി പങ്കെടുത്തു.