കോഴിക്കോട്: പനിയെ തുടര്‍ന്ന് ജില്ലയില്‍ ഇന്നലെ 24,874 പേര്‍ ചികിത്സ തേടി. ഇതില്‍ 2224 പേര്‍ക്ക് വൈറല്‍ പനിയാണ്. 36 പേരെ കിടത്തി ചികിത്സക്ക് വിധേയരാക്കിയിട്ടുണ്ട്. 21 പേര്‍ക്ക് ഡെങ്കിപ്പനി സ്ഥിരീകരിച്ചു. 84 കേസുകളില്‍ ഡെങ്കിയും ഒരാള്‍ക്ക് എലിപ്പനിയും സംശയിക്കുന്നുണ്ട്.
259 പേര്‍ക്ക് വളയറിളക്കം റിപ്പോര്‍ട്ട് ചെയ്തു. ഇതില്‍ എട്ടുപേര്‍ കിടത്തി ചികിത്സയിലാണ്. ഇതിനിടെ മഞ്ഞപ്പിത്ത ബാധയെ തുടര്‍ന്ന് നന്മണ്ടയില്‍ ഒരാള്‍ മരിച്ചു. മഞ്ഞപ്പിത്തം സംശയിക്കുന്ന അഞ്ചു കേസുകള്‍ റിപ്പോര്‍ട്ട് ചെയ്തതായി ഡി.എം.ഒ അറിയിച്ചു. പ്രതിരോധ പ്രവര്‍ത്തനങ്ങള്‍ ഊര്‍ജിതമായി നടന്നുവരുന്നതായും ഡി.എം.ഒ വ്യക്തമാക്കി.