എടപ്പാള്‍: മറവഞ്ചേരി ഹില്‍ടോപ്പ് പബ്ലിക്ക് സ്‌കൂളിലെ സോഷ്യല്‍ സര്‍വിസ് ക്ലബിന്റെ നേതൃത്യത്തില്‍ റമദാന്‍ റിലീഫ് പ്രവര്‍ത്തനങ്ങളുടെ ഭാഗമായി നൂറ് കുടുംബങ്ങള്‍ക്ക് സാമ്പത്തിക സഹായം വിതരണം ചെയ്തു. വിദ്യാര്‍ഥികളില്‍ നിന്നും സ്വരൂപിച്ച പണം ഉപയോഗിച്ചാണ് സാമ്പത്തിക സഹായം വിതരണം ചെയ്തത്. വിതരണോദ്ഘാടനം തവനൂര്‍ ഗവര്‍മെന്റ് കോളജ് പ്രിന്‍സിപ്പല്‍ ഡോ.വി.പി.വിമല നിര്‍വഹിച്ചു.ചെയര്‍മാന്‍ സെയ്ദ് മുസ്തഫ തങ്ങള്‍ അധ്യക്ഷനായി. പ്രിന്‍സിപ്പല്‍ എസ്. ഉണ്ണികൃഷ്ണന്‍,ടി.എ.അബ്ദുള്ള കുട്ടി, ടി.പി.അഷറഫ്, അബൂബക്കര്‍ ഹാജി പാറപ്പുറം, ലത്തീഫ് മൗലവി, സി. ചന്ദ്രിക, കെ.സലീന സംസാരിച്ചു.