തിരുവനന്തപുരം: ഡോ.മോഹനന്‍ കുന്നുമ്മലിനെ കേരള ആരോഗ്യ ശാസ്ത്ര സര്‍വകലാശാല വൈസ്ചാന്‍സലറായി ഗവര്‍ണര്‍ നിയമിച്ചു. പെരിന്തല്‍മണ്ണ എം.ഇ.എസ് മെഡിക്കല്‍ കോളജിലെ റേഡിയോ ഡയഗ്‌നോസിസ് വിഭാഗം മേധാവിയായിരുന്നു. ആരോഗ്യ ശാസ്ത്ര സര്‍വകലാശാലയുടെ ഡീന്‍ ഓഫ് മെഡിസിനായും ഗവേണിങ് കൗണ്‍സില്‍ അംഗമായും പ്രവര്‍ത്തിച്ചിട്ടുണ്ട്. നേരത്തെ മഞ്ചേരി ഗവ.മെഡിക്കല്‍ കോളജ് പ്രിന്‍സിപ്പല്‍, തൃശൂര്‍ ഗവ.മെഡിക്കല്‍ കോളജ് റേഡിയോ ഡയഗ്‌നോസിസ് വിഭാഗം പ്രൊഫസര്‍ എന്നീ നിലകളില്‍ പ്രവര്‍ത്തിച്ചിരുന്നു. 2016 ല്‍ മികച്ച ഡോക്ടര്‍ക്കുള്ള സംസ്ഥാന അവാര്‍ഡ് നേടിയിട്ടുണ്ട്.