വാഷിങ്ടണ്‍: ഡ്യൂട്ടിയില്‍ അല്ലാത്ത കറുത്തവര്‍ഗക്കാരനായ പൊലിസ് ഉദ്യോഗസ്ഥനെ സഹപൊലിസ് ഉദ്യോഗസ്ഥന്‍ വെടിവച്ചു. സെന്റ് ലൂയിസിലാണ് സംഭവം നടന്നത്.
വീടിനടുത്ത് ബഹളം നടക്കുന്നത് കേട്ട് ചെന്ന പൊലിസ് ഉദ്യോഗസ്ഥനെ അക്രമിയെന്ന് തെറ്റിദ്ധരിച്ചാണ് സഹപ്രവര്‍ത്തകന്‍ വെടിവച്ചിട്ടത്.
കാര്‍മോഷ്ടിച്ച സംഭവവുമായി ബന്ധപ്പെട്ട് പരിശോധനയ്‌ക്കെത്തിയ പൊലിസുകാര്‍ക്കെതിരേ അക്രമികള്‍ വെടിയുതിര്‍ത്തു.
തുടര്‍ന്ന് രക്ഷപ്പെടാന്‍ ശ്രമിച്ച അക്രമികളെ പിടിക്കാന്‍ ശ്രമിക്കുമ്പോഴാണ് ഇയാള്‍ക്ക് വെടിയേറ്റത്.
മൂന്നു കറുത്ത വര്‍ഗക്കാരനെ അറസ്റ്റ് ചെയ്യാന്‍ സഹപ്രവര്‍ത്തകരെ സഹായിക്കാനാണ് താനെത്തിയതെന്നും എന്നാല്‍ താന്‍ അപ്പോള്‍ ഡ്യൂട്ടിയിലായിരുന്നില്ലെന്നും ഇയാള്‍ പറഞ്ഞു. അതേസമയം തനിക്ക് ഇയാളെ തിരിച്ചറിയാനായില്ലെന്നും സുരക്ഷയെ കരുതിയായിരുന്നു നടപടിയെന്ന് വെടിവച്ച ഓഫിസറെന്ന് വ്യക്തമാക്കി.
വെടിയേറ്റ ഉദ്യോഗസ്ഥന്‍ 11 വര്‍ഷമായി സര്‍വിസില്‍ ഉള്ളയാളാണ്. ഇയാള്‍ ഇപ്പോള്‍ ചികിത്സയിലാണെന്നും സുഖംപ്രാപിച്ച് വരികയാണെന്നും പൊലിസ് വക്താവ ് പറഞ്ഞു.