കോട്ടയം: ഗര്‍ഭിണിയായ യുവതിയുടെ മൃതദേഹം ചാക്കില്‍ കെട്ടി ഉപേക്ഷിച്ച സംഭവത്തില്‍ പിടിയിലായ മാമ്മൂട്ടില്‍ യൂസഫിന്റെ (41) അറസ്റ്റ് രേഖപ്പെടുത്തി.ഈരാറ്റുപേട്ട സ്വദേശിയാണ് യൂസഫ്. കുന്നുകുളം നെടിയകാലായില്‍ വിശ്വനാഥന്റെ മകള്‍ അശ്വതിയാണ് കൊല്ലപ്പെട്ടത്.തെളിവെടുപ്പിന് ശേഷം ഉച്ചയോടെ പ്രതിയെ കോടതിയില്‍ ഹാജരാക്കുമെന്ന് പൊലിസ് പറഞ്ഞു.
മരിച്ചത് അശ്വതിയാണോയെന്ന സംശയം നിലനില്‍ക്കെ ഡി.എന്‍.എ പരിശോധനാ ഫലത്തിന് കാത്തുനില്‍ക്കുകയായിരുന്നു ഇന്നലെ വരെ പൊലിസ്. എന്നാല്‍ ഫലം ലഭിക്കാന്‍ കാലതാമസം നേരിട്ടതോടെ മറ്റു ശാസ്ത്രീയ തെളിവുകളുള്ളതിനാല്‍ അറസ്റ്റ് രേഖപ്പെടുത്തുകയായിരുന്നെന്ന് ജില്ലാ പൊലിസ് മേധാവി എന്‍.രാമചന്ദ്രന്‍ പത്രസമ്മേളനത്തില്‍ അറിയിച്ചു.

.